Məsələ illi Məclisdə müzakirə olunacaq. Gələn həftə Milli Məclisdə Ailə, Uşaq və Qadın Problemləri Komitəsi ilə birgə uşaq problemlərinə dair tədbir keçiriləcək. ”OLAYLAR” IA-ya verilən məlumata görə, tədbirdə uşaq problemi ilə məşğul olan təşkilatın nümayəndələri iştirak edəcəklər. Yığıncağa Respublika Uşaq Fondu, Ədliyyə Nazirliyi, Səhiyyə Nazirliyi və uşaq problemləri ilə məşğul olan qeyri-hökumət təşkilatlarının nümayəndələri dəvət olunacaq. Tədbirdə xarici ölkələrə uşaq satılması, internat evlərindəki uşaqların ailələrə verilməsi, uşaqların xarici ölkə vətəndaşlarına övladlığa verilməsi kimi məsələlər müzakirə olunacaq.